كلمات اغنية الصحاب زاب ثروت وحمزة نمرة

زمان بس مش زمان ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
حس بيا واللي فيا من مكالمة وفي اولها
ونص ساعة وكان تلاتة من صحابيقصادي جم
زادوا اكتر بعد ساعة ايوة دول صحابي اهم
ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
قام ابويا بعدها كانوا سندي وقتها
والحكاية دي حقيقة والله مألفتها

صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

كلمات اغنية مفتقد الحبيبة شارموفرز

وببقى مبسوط لما يعلى الصوت وناس جديدة مفتقد الحبيبة مع انى بقابل ناس جديدة
فى بيتى اصلى بكره السكوت

بس بردوا مفتقد الحبيبة طب يعنى اية كلمة حبيبة
يعنى ببقى قاعد عادى فجأة تيجى على دماغى وقفة قصادى الصحراء تبقى وادى

احساس جميل انك تشاركينى فى ولادى ونشوف هايلعب اى رياضة فى النادى
بروحى هادفيكى ولالامك هانسيكى ده مش كلام لو موجودة هاوريكى

مفتقد الحبيبة هدفى فى حياتى اكون ناجح وانتى جانبى
فاهمه هزارى لما ازعل بتطفى نارى واصعب نجاح فى حياتى هى قصة حبى

من كل بنات العالم انتى بس انا شارى وتكون ضحتك هى محركى الاساسى
اللى ازعل اشيلك على راسى

والايام دي مش عاطفية مبقتش سهلة كمان الدبلة مسئولية
بس انا عايز احتويكى وادفى باحتوائى ليكى مش فارقة معايا المشكلة فيا ولا فيكى

كلمات اغنية حب زمان ياسمين علي

يا حب زمان يا اجمل وقت قضيتة
كلامك عمري ما نسيتة وفاكرة كان دة امبارح مكنش زمان

يا حب زمان يا ذكرى بقت ملازماني
يا فترة في عمري وحشاني يا سيرة بتيجي في كلامي حنيني يبان

حاجات في مشاعري محفورة بكام ذكرى وكام صورة
وصعب انساها معذورة مفيش نسيان

وفاكرة المطرة والمياة وكان في ايدينا شمسية
وياما في البرد حسينا بدفا وامان

يا حب زمان مفيش دلوقتي ليه حبايب
فيه لهفتنا للغايب وعند الناس مفيش اسهل
من النسيان واحشني تاخدني لحبيبي
واحشني سيرته لو تيجي قصاد الناس اقول اسمه مقولش فراق

حاجات في مشاعري محفورة بكام ذكرى وكام صورة
وصعب انساها معذورة مفيش نسيان

وفاكرة المطرة والمياة وكان في ايدينا شمسية
وياما في البرد حسينا بدفا وامان

كلمات اغنية كراكيب عمرو مصطفي

كراكيب فيها لبس كله تراب فيها لعب كورة شراب هندس وحيطة وبلين

كراكيب وصور طفوله وطيش فتافيت رغيف العيش ايام ما كان دا بشلن

بلي جيلاتي ومرمطه شوف الجادون جوا الغطا والقطر لعبة بزمبلك

شبر شبرين وسبع طوبات طير واجري وسط الحارات واختم بقفاشة الملك

كراكيب وخزن كدا وكراتين فيها ذكريات لسنين مقفولة بالترابيس

كراكيب صاحب جدع انتيم وجيران وحب قديم معجونه بالاحاسيس

دا زمان انا شعري كان علي جنمب ودي موضة وماليش ذنب دي كانت حكاية جيل

وكمان مصروفي نص جنيه باكل وبشرب بية واسهر كمان علي النيل

واسمع فؤاد واسمع حميد واستني اشوف عامر منيب وجدو عبدة وبابا ونيس

والساعه عشرة خلاص بنام بعد المسلسل بالتمام والسهرة تبقي يوم الخميس

كراكيب وخزن كدا وكراتين فيها ذكريات لسنين مقفولة بالترابيس

كراكيب صاحب جدع انتيم وجيران وحب قديم معجونة بالاحاسيس

كلمات اغنية انا الاهلي كايروكي

أنا الأهلي اللي كان والحاضر أنا الاسم اللي هز جبال
من الأول لحد الآخر هيفضل مصنع الأبطال أنا قد الحياة وتحدي ولسه عندي قوة وعندي
أعدي الف سد وأعدي أقوم واطلع وأهد جبال أنا الاسم اللي لف الدنيا وماضي تيشرت في اليابان بطل عدى حدود أفريقيا ولسه في قلبه حلم كمان في ضهري ومن سنين قواني
قلوب إدت كتير علشاني أنا الأهلي اللي صان العشرة دهب مش قشرة ولا بهتان

بدايتي وكانت كده بلف سنين كل ده ولسه في أكتر من كده
سنين وأغنيها أنا اللي هكمل كمان في ضهري كتير من زمان معايا جماهير بتسند بيها
أنا الأهلي اللي ربى وعلم بكلمة حب مسموعة وجيل من بعد جيل بيسلم ورايته تملي مرفوعة
أنا النجم اللي فوق في العالي أنا اللي مفيش ايدين واصلالي أنا روح الفانلة الحمراء وأنا الناس اللي عيشالي أنا الأهلي اللي سابق دايما ودايما سكتي قصادي ومهما الدنيا بتعطلني بوصل برده في معادي

لا قدرت يوم ظروف تحدفني ولا صوت عالي بيسكتني أنا صوتي اللي لف الدنيا ولسه بيعلى ويلالي
بدايتي وكانت كده بلف سنين كل ده ولسه في أكتر من كده سنين وأغنيها أنا اللي هكمل كمان في ضهري كتير من زمان معايا جماهير بتسند بيها
بدايتي وكانت كده بلف سنين كل ده ولسه في أكتر من كده
بدايتي وكانت كده بلف سنين كل ده ولسه في أكتر من كده سنين وأغنيها
أنا اللي هكمل كمان في ضهري كتير من زمان معايا جماهير بتسند بيها