فرشة صاحب السعادة معروف في السوق يا سادة أسعار من غير زيادة ورجعنا لزمن الرُخص أنا مش بأبيع غناوة فيه فصال وفيه نقاوة مين قدّك في الغلاوة افتح شنطك ورُص
بص بص بص مين قال لك تشتري قرّب حمّل ورُص ولا مين شاف ولا مين دِري
خُد منّي حتّة حتّة شيل أبو ستّين بستّة أو حتى خلّي عنّك لجل عيونك يا Boss
دي بضاعة ناسها غايبة ومالهاش صاحب وسايبة محسوبك صاحي جداً ما بضيّعش الفرص
دي بضاعة آخر نقاوة عبّي وليّا الحلاوة شيل واخلع في الهداوة من غير ما الناس تحسّ
حمّل كل اللي باقي فرصة وفيه حد لاقي شيل في الشيفت المسائي والدنيا هُس هُس
ما تكبّرش الحكاية مين هيدوّر ورايا ده أنا وارث من بابايا إوعي تفكّرني لص